Yura-t: Anir Maziɣ
Qqaren imrezuten aqa iwdan-nni i yessawalen aṭṭas n tutlayin, ɣer-sen iswingmen d inemɣuren msebḍan, qqnen ɣer tutlayt minzi ssawalen.
Mala tessawaled tnayen n tutlayin niɣ ujar, aqqa-c ɣayri tetterrid taynit i manaya: Tzemmred ad takid s umsebḍi ɛla ḥsab man tutlayt tesxeddamed. Manaya wḍen ɣer-s ula d imussnawen.
Deg usenti n 2006, imrezuten n tesdawit n « Connecticut » deg Umarikan s unbaḍ n « Nairan Ramirez Esparza » taselmadt n tepsikulujit tanamunt »psychologie social ». Ggin irimen (exams) s Teglanzit d Tseppanyut i yewdan s yexef-nsen, ɛebbaren deg-s tifras n bnadem amecnaw anurzem, tayri d tiffugna. Ttren zeg yewdan ad snumlen (ad weṣfen) ixef-nsen, ufin wer ssiwilen bu x yinaten d ijjen s tnayen n tutlayin, urin s Tseppanyut xef twacunin-nsen, d imeddukal d min ttexsen ad ggen. S Teglanzit ssiwlen aṭṭas xef min ggin di tudert-nsen, tiɣuri, d min tteggen mkul ass. Imerzuten qqnen manaya ɣer ugama n weydud Amarikan i itticcen addur i tmegga n uyman, walli am tdelsa Taseppanyut i itticcen addur i yiman n tegrawt. [Manaya immeksi-dd zeg umegrad n usit amarikan « Quartz »].
Tony d ij uterras issawal Taglanzit d Tseppanyut. Idwel ilmed Tafṛansist, inna belli xmi issawal Tafṛansist ittaka aked yexf-nnes d amezdag d miɣis. Taykit-a teqqen ɣer tewlaft i iksi x yefransisen deg walli-nnes. Klimens i illan d Tafṛansist ɣer-s tawacunt di « South America » xmi ɣer-sen tettraḥ tessawal akid-sen Taseppanyut (tutlayt-nsen). Tenna belli tettaka aked yexf-nnes tennurzem xmi tessawal s Tseppanyut ujar zi xmi tessawal s tutlayt-nnes tayemmat. Waxxa Taseppanyut tlemd-itt di sekwila waha.
Manaya marra wḍen zeg-s imerzuten ad afen belli wer tzemmred ad tebḍid tutlayt xef tdelsa-nnes, manaya ittban-dd kter deg yewdan-nni ittmuttuyen jer tnayen n tutlayin d tdelsawin tiẓɣurin.
tala : https://www.google.com/amp/s/start.lesechos.fr/amp/1177244
