Mamec ɣa yegg kul ijj zzag-neɣ ad isbedd abeddel n uklima?

Lux aṭṭas n yewdan rezzun ad cerken deg usenjem n tmurt zeg ubeddel n uklima maca ina wer ssinen ila min tetten izemmer ad yerni niɣ ad issenqes zeg ubeddel n ukima. Afabriki n macca deg umaḍal, irenni deg ugaz n uksid n karbun. D manaya i yeqqar ufurum n yikunumi amaḍlan. S uya, lexxu, midden ttexsen ad ccen macca-nni i wer ittceyyinen ca tawennaḍt.

Setta n yewdan zi εecra deg Umarikan, ttwalan ila ixess ad ilin ifarasen (produits) n macca issaɣen ttasen-dd aked twennaḍt (environnement). Maca, itteqsiḥ x-asen maḥend ad ssnen min εnan ifarasen-a i yellan d imeddukal i twennaḍt. Imerzuten ttwalan ila amutti ɣar uɣasṭar n tmeslayin n macca i yellan d timeddukal n twennaḍt wer ittili ca yehwen. Maca qa din ca n isuraf izemmer bnadem a ten-igg.

Bnadem xmi ɣa ittsewweq ad ifitcar ma ifarasen i nessaɣ dag-sen ca n tmeslayin ttwafabrikan niɣ ttwaẓẓun s ict tebridt idduklen aked twennaḍt, niɣ ittwagg s arrusiklaj waha. Mamec izemmer bnadem ad issidef ca n markat nneɣni am iɣeddiwen niɣ taḥrirt n thendiyt yettwassnen di Miksik i di yella ubiṭamin n C s waṭṭas. Mala tufid ddegg-a wer tzemmred ad tettecced, tzemmred ad tɣastared farina d imendi ḥsen zeg waren acemlal. Llubiyyet d leεdes minzi manaya iɣemmi-dd bla ma ad iḍeyyeε cal n tmurt.

Imerzuten qqaren ila ixess ad yemsar usenqes zeg weysum. Iwdan ad ccen ca n tmeslayin nniḍen deg wemkan n uprutin i yellan di lmal minzi min tetten lmal n lkuriyat ittḍerra tawennaḍt.

Amaynu

Yeqqen ɣer-s

Xmi ittakk°aḍ uplastik ɣer uceffay n wutuḍ n temɣarin

« Ma din min nzemmer a negg bla ma nedwel ɣer uplastik ? Walu ! ». Ammu i yeqqar ijjen zeg inni icerken deg ijjen wawal i terẓem BBC...

Uruppa, min ittraḥen deg wefraḍ kṭer zi min dd-tessaɣ

Ij n trezzut temmal belli Uruppa deg-s aṭṭas n ttaḍeyyuɛ n macca: 153 Melyun ṭun n macca i ttett tzubayt mkul aseggʷas, kṭar zi...

Abeddel n uklima: mamec yedwel 2022 d asegg°as n tzawa d leḥmu deg umaḍal?

Qqaren imussnawen ila amaḍal iẓarr asegg°as-a ijjen lazaɣ wer ɣer-s uma-s aṭṭas zi mani, di ca n imukan deg umaḍal ɛemmers wer ẓrin am...

Ikemmuḍen n tmessi, zi Arrif ar yeffus n Uruppa amen tekmel.

Ayenni iwwḍen bumbirut Imeɣrabiyen sxessayen di tmessi i imenɛen di ca n yimukan di Arrif uɣelluy, d aya i tenna France Presse. Di Leɛrayec weḥḥed-s...