iIlul deg Yemzuren aseggʷas n 1985. D mmi-s n yijjen twacunt am waṭṭas n twacunin n irifiyen. Baba-s ttuɣa-t d amselmed. Netta wer ikemmel ca tɣuri-nnes, yeffeɣ maḥend ad iraḥ ad yexdem di tsebbabt ɣer yijjen bab n tḥanet.
Awarn-as, iṛuḥ ɣer usinag n ttiknulujit n tgemra (معهد تكنولوجيا الصيد) di Lḥusima. Yeksi-dd ssenni adipplum n ubeḥri. Maca ass n 28 zi kṭuber 2016, temsar ijjen temsart i ɣa yejjen imezdaɣ n Lḥusima d Arif merra, d waṭṭas n imezdaɣ n tneddam nneɣni di Lmerruk niɣ di tmura n berra, ad kkren ad sɣuyyen. Tamsart-a nettat d tamenɣiwt taɛeffant i das-yettwaggen awarn i umi yettwaḥri deg ukameyyu n wefraḍ.
Yemsar manaya umi das-kksen ipulisen iselman-nnes i dd-yesɣa zi lmuyyi n Lḥusima. Minzi iselman-nni zeg yinni i yeffuk wer dd-ttwagemren. Umi i das-neḍren islman-nnes mamek qqaren yewdan i ttuɣa dinn yellan, yeḍfer-iten, uca apulis-nni yenna-s: « Ṭḥen mmu » (ḥri yemma-s).
Fikri yettwaneɣ, maca issedder-dd tagrawla di Arif, yeslul-dd targazt n irifiyen zegga ttuɣa i dasen-yettɣil aqa qebbḍen x Arif. Arif awarn i tmenɣiwt n Fikri d ijjen Arif yedwel ɣer umezruy-nnes, d ijjen Arif icebber di tlelli.
Ad yerḥem rebbi Muḥsin Fikri, a das-yessers rebbi ixsan di jjennet.
Ɣer ɛawed: Musṭafa LBUƐEZZATI (Amesrem); tacumɛet n wesfirnen i tessexsi temnawt
