» Ixeyyeq aṭṭas wul-inu, wami war kid-s ḥḍireɣ wami i truḥ, ass-a d ij n wass n uxeyyeq n weydud n Yagán. Merra min ɣa ggeɣ di lxedmet-inu, zi luxa d tsawent, ad yili s yism- inem a yemma, d yisem n weydud-inem »
D wa d awal minzi tewca yelli-s n Cristina Calderón, Lidia González Calderón, lexbar n lmewt n yemma-s. Cistina Calderón temmut Ass n 16 zi 02 zi 2022, x 93 iseggusa deg wadday n Chile, aked lmewt-ines, yettmetta yiles n weydud yagán. D nettat ila yeqqimen tessawal mliḥ iles-a di tmurt tasemmaḍt deg wadday n Chile.
Tenna yelli-s Lidia x yemma-s: « tamɣart d taneggarut ila yesnen mliḥ iles n yagán, aked tekli-ines, yugur yij n nḥet n twengimt tadelsant n weydud-nneɣ »
Cristina Calderón, telmed ad tessiwel taseppayut di 9 iseggusa, maca tarwa-ines wer lmiden ci tutlayt tayemmat n yemma-tsen, minzi gg°den aseḥqar n yenni issawalen taseppanyut, εlaḥsab min tenna yelli-s Lidia.
Cristina Calderón Aked tayyawt-ines Cristina Zarraga, ggint ij n diccionario n yiles yagán, d ij uḍles x umezruy n weydud n yagán qqaren-as Hai Kur Mamasu Shis ( xseɣ ad εawdeɣ ij n tḥajit) Amya ḥma ad-sfeltent zi lmewt ij n yiles zig ilsawan iyemmaten i yellan di Chile.
Skuta di lehna Cristina Calderón.
