5 décembre , 2021

Masyur, s ijjen uɣennij d jjdid yegga-as i yisem « anẓar ».

zi album n « Tiɣarruba « 

Zegga i yexdem grup n Masyur x ijjen walbum umi yegga yisem « Tiɣarruba ». I yeksin ca n setta n iɣennijen. S walbum-a wanita, iwweḍ ugrup-a wa , ad yegg amcan-nnes la netta deg yiger n tẓuri di Arrif. S ca n iɣennijen cnin aked iwalen qaden, min ked imsurruf aked ca n yezlawiyen ttwassnen.

Immutti, deg usrif wis tnayen, grup n Masyur, ɣer lxedmet x isingilen. Di 20 Febrayer i yeɛdan, ssufɣen-d ijjen lxedmet umi ggin isem « Arif-inu » s twiza aked tseḍma n « Afriwen Voice ». Aɣennij-a ittwasewwer s ubidyu-klip. Asingel wis tnayen n Masyur, netta d « Anẓar », umi iɛawden ca n yezlan d imeẓẓyanen ttuɣa qqaren-ten midden ḥuma ad ttren anẓar.

Tcuni n uɣennij-a teqqen ɛawed ɣer mamec i daneɣ-d-sewwren Azlaf, tuzzegzwet-nnes d idurar-nnes. Mamec d-sewwren ɛawed ula d iḥenjiren i yeksin taslit n wenẓar ḥuma ad ttren anẓar. Ijjen uɣennij-a ittzemmam tawengimt n Irifiyen d min ten-iqqnen aked tmurt. Aɣennij-a la d netta d twiza jar Afriwen Voice d Masyur. Xmi nettaf tmijja n Muḥa Azɣay deg ukural d tgiṭart n Kamal Ccix.

ɣer ɛawed : « Tiɣarrbua » d album d amezwaru n Masyur + Amsawal aked Najim Lmercuḥi

Amaynu

Yeqqen ɣer-s