Yeqseḥ ad yeɛqer utarras x marra min yeẓra di 30 n texrazin zi lmuselsel n Meɣriḍu, maca dinni ca n tmeslayin ttɣimant recment di twengimt. Timeslayin-a zemmarent a tili ɣzint s tcuni-nsent deg walli umeḍfar, niɣ zemmarent ad ilint hwant cwayt x min ttuɣa yettraja umeḍfar-a.
Xseɣ ad ssiwleɣ cwayt x tmeslayin i ttwaliɣ tuɣa war llint ca lujik di min ẓriɣ di Meɣriḍu. Ca zzay-sent rrin-asent taynit lebɛaḍ imeḍfaren, ssiwlen x-asent. Lebɛaḍ-nneɣni a ten-tt-idd rniɣ, amecnaw :
1- Ḥuriya teksi gitarra bla aqrab, tneddeh bacekliṭ !
2- War tuɣi dinni bu lweqt aṭṭaṣ jar tkessit n Nawal d tarwa-nnes (lami turu), xseɣ ad iniɣ deɣya turu.
3- Pikanti lami tuɣa yettɛawad x min das-yemsaren di temẓi ak Buyfiran. Neẓra Buyfran d ameẓẓyan, maca Rami tuɣa yetɛawad Rḥussayen x min das-yemsaren ak Ṣareḥ, neẓra Ṣareḥ ɛraḥar war ibedder walu !
4- Mamec tegga Ṭṭumubin bellɛen tewwura-nnes x Ṣareḥ d Silya ? (War dinni bu ca n tmeslayt lujik ).
5- Taqarṭast-nni yexwa Musa di rḥiḍ, yeqseḥ a teqqim tɣanca di rḥiḍ, ɛlaḥsab jjehd tzemmar a tadef di rḥiḍ niɣ a teblawṭa a tewḍa di tmurt.
6- Ṣareḥ ca n twaratin ittban-dd d aqeddac aṭṭaṣ, maca di twaratin nneɣni itban-dd d aqelluɛ waha, amecnaw rami yumen illa Idir yemmut. Iydareɣ-dd rebɛaḍ waha zi min umi arriɣ taynit, maca imken inni i yxedmen Meɣriḍu (Buzeggu d Idrisi) ɣar-sen min zi ɣa yarren x iseqsan-a.
