29 novembre , 2021

Ilyas Aḥudri yettwaṭṭef iḍennaḍ s llilet zegga imseysi aked ijjen uɛessas n Spiṭar

Ilyas Aḥudri

Di llilet n wass-a n lexmis 12 Nufember, ṭṭfen ipulisen n Nnaḍur artista Arifi Ilyas Aḥudri. Zzat i tewwurt n spiṭar n Lḥasani awarni umi udfen netta d uɛessas n spiṭar-nni deg ijjen umseysi s wawal. Alaḥsab ca n cchud, ttuɣa Ilyas yeggur ɣer Spiṭar maḥend ad ixzer aḍbib. Munen akid-s tlata n imeddukal-nnes maca aɛessas yugi ad ten-issidef. Mayen yejjin Aḥudri ad kid-sen yadef deg umseysi.

Awern-as ijbed-d Ilyas tilifun-nnes, igga live, maca aɛessas-nni war zzag-s i t-iqbil uca yekkes-as tilifun. Awarni umi ẓrin imeddukal-nnes manayenni, usin-d maḥend ad kid-s bedden. Maca ɛawed usin-d ula d ipulisen, ṭṭfen Ilyas, herzen x tilifun-nnes. Ula kṭer awerni umi ixes aɛessas ad zzag-s idiklara. Lerfain.fr yeggur ad yeḍfar tɣawsa-ya s ifruriyen.

Amaynu

Yeqqen ɣer-s