26 novembre , 2021

Bésame mucho ay Arif!

Marra wi iḍeffarn aɣennij Ameḍlan yessen Bésame mucho, aɣennij‑a temser‑as amcnaw aɣennij n Tagrawla Aṭalyan yettɣennjen x tegrawla. D aqdim, yecna, yewta iẓewran di tungiwin timeḍlanin.

Marra wi iḍeffarn aɣennij Ameḍlan yessen Bésame mucho, aɣennij‑a temser‑as amcnaw aɣennij n Tagrawla aṭalyan yetɣennjen x tagrawla. D aqdim, yecna, yewta iẓewran di tungiwin timeḍlanin.
http://institutoculturaldeleon.org.mx/

Bésame mucho d ijjen uɣennij n tmexsa, iban‑dd deg waṭṭas n istilen n tmusiqt, yettwaḥsab zeg iɣennijen yessersen ddsas i wmezruy n tmusiqt tamaynut. Ikumpuza-t yura iwalen‑nnes takumpunist Tamiksikit Consuelo Velázquez (1916–2005), yettwafser twalat tamezgarut deg useggʷas n 1941. Al mani yedwel d aɣennij d ameḍlan, yeḥḍer akked Jazz lebda.
Tamusiqt xef yebna uɣennij‑a, d llɣa n ukumpunist asepanyu Enrique Granados (1867–1916), yirar‑it twalat tamezgarut x pyanu di tqatcut « Quejas o la maja y el ruiseñor » deg 1911. Maca abrid ɣer umaḍal tufa‑t Consuelo Velázquez deg 1935 niɣ 1936, lami i tkumpuza aɣennij‑a tyirḍ‑as awalen‑nnes. Aɣennij‑a tenna xa‑s Consuelo Velázquez:

« lami ittkumpuzaɣ ila ɣer‑i 19 n iseggusa, ila ɛemmar‑s ma ssudmeɣ; Manayenni qaɛ d ihardifen waha »

Bésame,
bésame mucho
como si fuera esta noche
la última vez
Bésame,
bésame mucho
que tengo miedo a perderte
perderte después
Sudem‑ayi
Sudem‑ayi s jjehd!
Sudem‑ayi axmi llilet‑a
d twalat taneggart.
Sudem‑ayi,
Sudem‑ayi s jjehd,
qa ttagg°deɣ, a nemsebḍa,
attaf a day‑i tweddred.

Amaḍal

Twalat tameẓwarut ɣa yettwasejjel ad yemmenz, s rirat n Emilio Tuero d tnixt n ijjen tmeɣnujt qqaren‑as Chela, deg 1941, yeffeɣ‑dd ɣer ssuq n Mixico. Ṭṭebsil-nni yegga min xa‑s la di tneddam n wadday n Umarikan. Tnayen n iseggusa awarn‑as yura iwalen‑nnes Sunny Skylar s Teglanzit, Ca ffɣen‑dd ṭṭbasa s Teglanzit n Jimmy Dorsey d Abe Lyman. Sejjlen‑tt ɛawed Dorsey-Band akked umeɣnuj Bob Eberly d Kitty Kallen. Ṭṭebsil‑nsen yedwel iseggusa-nni d nnumru n waḥit deg Umarikan. Aɣennij yekka amaḍal, yettwaɣennej s kṭar zi 20 n yilesawen (tutlayin). s Tefransist iɣennej‑it Tino Rossi deg 1945, s Tlimant ɛawed Ralph Maria Siegel.

Arif

Aɣennij‑a ssegmen‑t aṭṭas n legnus, nettaf‑it la di Upera n zik d tenni n yiḍa, yella s mkul aklasi n tmusiqt. Rock, Jazz, Pop, Country … Yirar s tgitart, pyanu, amenni waha bla tmusiqt. yedwel d aɣennij d ameḍlan yettwassen ɣer qaɛ igduden, yenni yessawalen taṣeppanyut d yenni wer tyessiwilen.

Artista arifi Anass, iɣennej‑it s Trifit, awalen n uɣennij yerra‑ten ɣer Trifit Azlawi Nureddin lwerɣi, llɣa n uɣennij yugem‑dd zi tala n Besame Mucho, tamusqit d tamaynut. Nẓemmer ad nini d amaynu la x llɣa Arifi. Ij n weklasi n tmusiqt wer t‑nennum ca di Arif. Maca yettban‑dd d beddu, beddu n ijjen tegrawla nzemmer ad dag‑s nessgem aɣennij ameḍlan di Trifit. Nzemmer a zzag‑s nerr Arif yedder akked umaḍal. D ufuɣ x lalla buya, d adaf di llɣa ameḍlan, ɣa yernin tcuni i tussna‑nneɣ.

Artista Anass, mmis n Biyya itteddren gi Tanja, yebda i tmusiqt zik, ittegg tamusiqt n « Fusion » akked tsedma « esperanza », netta d setta n artistat‑nneɣni ggin tizemmar mɣrent, carken ict twalat di Mawazin al mani ɛlayen ad rebḥen (usin‑dd wiss tlata). Yemmerni‑dd uɣennij‑a ɣer tbibliyutikt-nnes, akked uɣeẓdis n « Amazigh d argaz », yirar x Bluz deg 2017.
Anass zi Artistat iẓemmarn ad yessidef amaḍaln ɣer uɣennij Arifi, abrid yeḍfer dag‑s zi mkul aklaṣi n tmusiqt n zik. Itteg iṣuraf a zzag‑sen ileqqeḥ uɣennij Arifi.

Avis Facebook pour l’UE! Vous devez vous connecter pour afficher et publier des commentaires FB!
Majid Aqelɛi
Majid, Izran, Tudart tazgzawt, d Tussna...

Amaynu

Yeqqen ɣer-s