Yessijj-dd unaẓur Ḥafiḍ Lbujeddayni s yijjen uɣennij d amaynu azwel-nnes «imeddukar ».
Aɣenniji-a i yessers x Youtube ass n 07 zi Cutenbir zeg useggas-a. Iɣennej-it artista-ya s ijjen tcuni, ittejja-aneɣ nettsafar aked umaḍal i yettegg uɣennij-a. Mamec i kid-s yeksi aberru n tabratin i yexs ad tent-issiweḍ x webrid n uɣennij-a wa.
Lbujeddayni zeg yimeɣnaj i yewcin aṭṭas i uɣennij arifi asebḥan, akid-s i tegga Tifyur isuraf-nnes imezwura, amen i dd-yessufeɣ iɣennijen ksin amkan-nsen deg wazzerg n uɣenni arifi, zeg-sen « Arrif » d « Iɣuyyan » d « Amenneɛruq » …
