Ԑebdellah Anas d Yasin Buqrab iraren «Awal n llilet» di Tsaft.

S tmeccarcut jar Tmesmunt n Taziri (Tsaft) d tmesmunt n umeẓẓyan i umezgun di Nnaḍur. Tettwagg ij n tmezgunt qqaren-as « awal n llilet » deg ussan-a i yeεdan di Taddart n Iḥudriyen di Qasita. Amsagar-a i tegga Taziri, d amsagar amezwaru yettwaggen di jjihet-a zegga wcin ttesriḥ i ixxamen-a n tussna awerni i Kuruna.

Tamezgunt-a i yirar Yasin Buqrab d Ԑebdellah Anas, tettirar x tnayen n yiwdan di llilet n ukrismas, ssensen nitni ttmenɣan, ttemseysin jar-asen, maca jjwar-nnsen i izeddɣen s-nnej nnsen ttuɣa ceṭṭḥen, ḍeḥḥken. Bnadem amezwaru ad iɣres merra tiwriqin i di ttuɣa ixes ad ibda tira-nnes εecra iseggsa zi mani. Ma wenni wis tnayen la d netta ad icarregg merra ttmenyat-nnes i yeyru di lxedmet n εecra iseggusa. Deg umeggaru, bnadem-a wis tnayen ixes ad ineɣ ixef-nnes maca wer iwwiḍ.

Aḍris-a i dd-yeksi Ԑebdellah Anas zeg umari Sławomir Mrożek umi yegga netta « imetlaε ». Iεawed dag-s x lweqt n umenɣi asemmaḍ (Cold war) x ijjen tnayen n yiwdan am yenni n « Godot » maca di tidet, tettekk x-asen nican. Nitni usin-d zi tmurt d icten, ɣer-sen passapurti-nnsen, urid d imetlaε nqeḍwen zzag-sen iseɣwan, maca waxxa amenni kul ijjen zzag-sen man-t amaḍal i di yettεic. Ijjen yeɣra, issen maca yeqḍeε layas. Wenniḍen d axeddam, irezzu ad yerber maḥnd ad yedwel ɣer tmurt-nnes ad ibna ijjen taddart i lwacun-nnes. Nitni d ijjen tnayen n imenneεraq, i yetlεen s bezzez zi tmurt-nnsen, rezzun x laman, ttexsen ad jemεen ttmenyat.

Tamezgunt-a tettirar deg ij n lakab s wadday. Jer n midden i yellan s nnej ḍeḥḥlen d inni i yellan s wadday tettekk x-asen tezli.

Aḍris-a amek nenna, yeksi-t-id Ԑebdellah Anas zeg weḍrid n Sławomir Mrożek, asufeɣ n Yasin Buqrab. Isegbaren nitni d Ԑebdellah Anas d Yasin Buqrab. Sinugrafiya n Yasin Buqrab, ddikur n Saεid Qadiri, arruḍ n Asma Aderɣal. Tfawt d tmuzikt n Ԑebdellah Ԑeddwi. Asays n Muḥemmed Lamin Welqaḍi. Aksiswar n ilyas Buzeggu, amawas atikni : Zakariya Bu Lqasim. Asugur n ufares d Muḥemmed Aderɣal.

Amaynu

Yeqqen ɣer-s

Amẓiwen yecrek deg ij n ufistival online

Afilem Arifi Monsters - Amẓiwen i yura yessufeɣ Aksel Rifman, yecrek deg ufistival F - Lift-Off Sessions online. Ittemḥizwar aked 60 n ifilmen zeg...

Spanya tettagi ad tenɛem s min tegga d ɣezzu di Arrif.

Ila ca n tebratin i yettunuḍen, qqarent ila Spanya txes ad tenɛem s min tegga di Arrif, uca ad tewwec 100 melyun yuru...

Samuel Biarnay, Afransis-nni i yessnen Tarifiyt di beddu n lqern n 20.

Samuel Léonard Biarnay, ilul di 15 Yennayer 1879, di Saint-Laurent-du-Cros, maca yemmut di 10 Kṭuber 1918 di Arbaṭ, d anessmezzeɣ d Afransis. Igga ca...

Lmexzen Uliman yeṭṭef ijj n ucekkam n Lmeɣrib!

Karlsruhe (DPA): Lidara n ḥeṭṭu n tmurt talimant teṭṭef di letnayen yeɛdun (14 nuwenbir) ijjen Umeɣrabi di temdint n kulen, tcekk deg-s belli ttuɣa...