Ɛumar Ayyaw, yarr-d buḥber di ca n iɣennijen cnan.

Lerifain.fr

S tmijja-nnes yecnan. Ɛumar Ayyaw, yarr-d buḥbel di ca n iɣennijen, i ttuɣa ɣennjen taseḍma n Wayyawen. Iɣennijen-a i yejjin ijjen limaret d tameqqrant deg Irifiyen deg iseggusa n tesɛin. Ura d lexxu ɛad sḥessan-asen aṭṭas n yiwdan. Abarru zzay-sen, iɛejb-asen mayen yegga amenni artista Ɛumar Ayyaw. Qqaren ca zzay-sen ila isfekkar-iten-d s wussan-nnsen n temẓi. Ca nneɣni nnan belli ttuɣa urezzun aṭṭas zi mani x iɣennijen-a maḥend ad asen-sren.

Aɣennij n Temsaman, ttuɣa yura iwalen-nnes dduktur Σali Azdimusa. Ig yellan lexxu d ameqqran n tesdawit n Nnaḍur. Ɛumar Ayyaw urid iεawed i iɣennijen n Wayyawen waha ameknaw « ttraɣiɣ-d x-am » maca ura i ca n iɣennijen-nnes netta ameknaw « Ur-inu iɣeryyar, ad beɛɛdeɣ zi remrac ».

Iɣennijen-a ɛejben-asen aṭṭas i midden, minzi muzika-nnes iɛeder-as mliḥ. Aked tmijja tasebḥant i ɣer-s ɣer Ɛumar. Mammec iεawed ura i uɣennij n Lwalid Mimun (izzenz-ayi baba). Ɛumar Ayyaw ijjen yisem zeg yismawen imeqqranen i yejjin latar-nnsen deg umezruy n uɣennij Arifi.

Tamsaman
« ttraɣiɣ-d x-am »

Amaynu

Yeqqen ɣer-s

Amẓiwen yecrek deg ij n ufistival online

Afilem Arifi Monsters - Amẓiwen i yura yessufeɣ Aksel Rifman, yecrek deg ufistival F - Lift-Off Sessions online. Ittemḥizwar aked 60 n ifilmen zeg...

Spanya tettagi ad tenɛem s min tegga d ɣezzu di Arrif.

Ila ca n tebratin i yettunuḍen, qqarent ila Spanya txes ad tenɛem s min tegga di Arrif, uca ad tewwec 100 melyun yuru...

Lmexzen Uliman yeṭṭef ijj n ucekkam n Lmeɣrib!

Karlsruhe (DPA): Lidara n ḥeṭṭu n tmurt talimant teṭṭef di letnayen yeɛdun (14 nuwenbir) ijjen Umeɣrabi di temdint n kulen, tcekk deg-s belli ttuɣa...

Min tessnem x « Rusadir » niɣ x Mlilet taqdimt ?

Rusadir ttuɣa-tt d ijjen tendint, qqaren belli tettwagg s ufus n ifuniken d Irumaniyen, maca din wi iqqaren ila abilaj n Rusadir ggin-tt Imaziɣen...