Awarni umi iɣab aṭṭas Ɛebdelmewla x wazzreg n uɣennej di Arrif. Idwel-d s ijjen ubidyuklip, di simana tamezwarut iwweḍ ca n 120 alef n tmeẓra x YouTube. Aɣennij-a amaynu n « Kurci yefsi » yegg-it s twiza aked urappur « Dindin », i kid-s yudfen di ca n imursuten s Thulandiyt.
Ɛebdelmewla netta zeg imeɣnaj imeqqranen i yeggin amkan-nnsen deg yiger n uɣennij Arifi, d amewaru ttuɣa icarrec s ukural. Zi senni la d netta yebda yeṭṭef amkan-nnes zzat i lmikru. Idwel zi tmijjawin min ked nnumen Irifiyen.
