Yenna Isambard, belli Ɛaziz Axennuc, ameddukel n ujellid Ameɣrabi Muḥemmed wis setta, ila « lweqt-nnes ḥuma ad yili d amɣar n Lḥukuma, qa tus-d. Amulli-nnes yeggur ad yawi lintixabat ass n larbeɛ i dd-igguren. Awern-as, ssitimen (iwdan) ḥuma ad ili d asexxay x manis i dd-ittali (yeffus n Lmuɣrib). Ad iwwec i (aytbab-nnes) timezgidawin n tɣuri, spiṭarat d lexdayem. Ca n twalatin ttmenyat bac ad sɣen iherkusen imaynuten i yetteḥwajan midden s waṭṭas ».
Axennuc yettwala, amec yeqqar umari, ila qa din « ijjen ẓẓga maḥend ad yemsar ubeddel di Lmuɣrib. Mamec ɛawed imestayen iggur ad salan aked PJD ig itteḥkamen di Lmuɣrib. Qqaren inni i yettraḥen aked RNI belli ixwanjiyen wer wwiḍen ad xedmen s wawal i yewcin i yewdan ».
Amari immal-dd ila « Lmuɣrib ttuɣa-t mliḥ cwayt deg uɣezdis n Ikunumi. Maca tgumi teḥdaj ad tili ula berra i tneddam timeqqranin. Aṭṭas n imerzuten qqaren ila imḥizwaren wer llin ca deg waṭṭas n yegran i ṭṭfen irgazen n lexdayem i yudsen i usistim ajeldan. Ixess ad immerni ufares deg yiger n tfellaḥt. Ixess ad ilint aṭṭas n lexdayem i yenni wer ɣer illi ca ca n udiplum. Yina illan d azgen ameqqran n midden n imezdaɣ ».
Zeg ijjen uɣezdis nniḍen, yettwala umari ila « qa din aṭṭas n yewdan ttwalan ila abeddel n umulli wer ittbeddil di walu. Qqaren waxxa mamec mma yegga umulli-ya ɣa igeɛɛden. Maca ajellid ad iqqim d netta i yuɛlan ɣer-s leḥkam deg ufus deg yegran isertanen, iɛeskriyen d tɣellist d ddin ».
Amari yerni « Ca zzag-sen ttraḥen gg°jen qqaɛ; ttwalan belli mala yerreẓ PJD ataf axmi ddewla ad tedwel x weɛdal i ttuɣa yegga ujellid qbel awerni i tefsut tadimukratit. I yewin xirebbi n jjehd i uberlaman d lḥukuma ».
Issplika amari manaya, xmi yeqqar ila « Axennuc, i yettɣilen aṭṭas belli amulli-nnes RNI ittaf-it ajellid ḥsen, yettwala ila mala ibedd x lḥukuma ataf ad yili ḥsen zeg Ixwanjiyen ».
