29 novembre , 2021

Am wass-a 34 issegusa zeg wami nɣin Saɛid d Farid di llisi n Imzuren

Saɛid Buḍḍuft d Farid Akruḥ

Deg useggas n tɣuri 86/87 umi ttuɣa imeḥḍaren n llisi sɣuyyun x lḥeqq-nnsen, aṭṭas n imeḥḍaren rewlen. Ad x-asen d-adfen lemxazniya ɣer daxel i llisi. Ḥedd inya x lḥiḍ, ḥedd iruḥ ɣer lqisem ibelleɛ-d x-as tawwurt. Maca Farid Akruḥ  d Saɛid Buḍḍuft wer wwiḍen ad rewlen nitni, Saɛid ula kṭer netta ttuɣa-t d ameɛḍur. Uca ad ten-wten lemxazniya d ssimi ar mani ig immut Farid i ttuɣa yeqqaren di tmussni d netta ɛad wer yiwiḍ aseggas-nnes wis ɛicrin.

Maca Saɛid immut deg wexxam-nnes di tmeddit-nni zegga ig icca ca n teyyita d tiɛeffanin di arrimet-nnes. Ula kṭer netta ttuɣa-t d uqlil di seḥḥet-nnes wer yiwiḍ ula seṭṭac n iseggusa di buḥbel-nnes.

Ilul Saɛid Buḍḍuft di ddcar n Tizi Uɛekki, jjwayeh n wuggug n Ɛbdelkrim Lxeṭṭabi ass n 25 Yennayer deg ijjen twacunt wer ɣer-sen ca. Tuɣa-t zeg imeḥḍaren imiɣisen, amec x-as cehden iselmaden-nnes.

Amaynu

Yeqqen ɣer-s