Bellemri (beǧemri)[1]
Bellemri ila zzman d bnadem, ila iẓeṭṭ, ixerweḍ-as uẓeṭṭa, yewca ixf-ines i lebḥer. Iqqim g lebḥer ittɛic. Luxa lexmi ittmetta ḥedd g lebḥer iḥeṭṭu-t rebɛin yum g lebḥer, ur ittjji iselman a t-ccen. Lexmi ikmel rebɛin yum, ijj irweḥ.
Lexmi a t-idd-inḍer lebḥer g lberr, malla ikmel bellemri rebɛin yum, ittrwaḥ, mala ur ikmil, iqqim akid-s itteɛsas x-s, s llilet, itteffeɣ-dd ɣr-s zeg lebḥer, ittɣima akid-s, lexmi ad isbeḥ lḥal, ad yadef a lebḥer, ittɣima ag lebḥer itteɛsas x-s ḥtta ad ikmmel rebɛin yum, ad irewweḥ fḥal-s. Mala ur t-idd-inḍir lebḥer, iggur akid-s rebɛin yum, ad irewweḥ fḥal-s.
Awal n tidet ɣer-neɣ!
Necnin wen itteɣnanen lebda a t-nsemma ar bellemri, a s-neqqar: cekk am bellemri! Iɛni ikker ad igg lefḍiḥet uzellif-ines am igga bellemri. Necnin negmer bellemri, nettett-it, d aksum-ines nettegg zg-s zzit.
[1] Iɛawed-as-tt i S.Biarnay; Aḥmed Ubuccer, asegg°as n 1914
Izemmem-it S.Biarnay; « Étude sur les dialectes berbères du Rif: lexique, textes et notes de phonétique ». 1917
Yessufeɣ-it-idd, iɛawed-as tira: Ɛebdelwaḥed ḤENNU
