Ijjen yexs ad iraḥ a dd-yeksi tarist. Yebda ittetter iɣyal x ayt bab n ddcar. Iruḥ ɣer yijjen, yesqerqeb x-as, yeffeɣ-dd. Yenna-s: « Min din? »
Yenna-s netta: « Mala yexs lxaḍer-nnec, a day-tejjed aɣyul-nnec ad raḥeɣ a x-as dd-ksiɣ ijjen leḥmel n tarrist. »
Yerra x-as bab n weɣyul yenna-s: « A weddi aɣyul indeh-it mmi, iruḥ ad yagem. »
Ɛad wer ikemmel awal, uca d wemcum-nni n weɣyul a dd-yeksi s wesḥundart zi tezribt.
Lexdenni yenna-s: « Llah a weddi! Aɣyul aqqa-t da, cekk teqqared-ayi indeh-it mmi-c ad iraḥ a x-as dd-yagem. »
Yexzar deg-s bab n weɣyul s taqsuḥi, yenna-s: « Mala d asnuɛtar aqa snuɛtareɣ-ac, mala nnec ruḥ ḍelq-as-dd! »
Ɣer ɛawed: Jeḥḥa d wawal n yewdan
