5 décembre , 2021

Aheggar aḍemmaε

Yura-tt: Ɛebdelɛaziz ḤANNUN

Ijj n weqzin yeṭṭef-it laẓ, wer yufi min ɣa yecc. Yeqqim ittenfifir, irezzu min ɣa yecc. Wer yejji amkan wer t-yekki. Segga yeqḍeε layas, ittwala ijj iɣess yemɣar, yuzzel ɣer-s iḥuṭṭ x-as yegga-t jer teɣmas. Yeṭṭef abrid ɣer taddart-nnes.

Wer das-yeqqim walu ad yaweḍ, yekka xef yijj n lqenḍert ɣer wadday-nnes iɣzer yeccur s waman. Yexzer g waman, ittwala tili-nnes. Yenna aked yexf-nnes ixess-ayi a dd-rniɣ iɣess-in ɣer-s ɣer weqzin-in. Netta yerẓem aqemmum ad izu tili-nnes, d iɣess-nni yewḍa-as zeg uqemmum iṣuṛ g yeɣzar iwyen-t waman.

Yuḥel weqzin yeḍfer-it x tma tma ḥuma a t-yaf, maca walu, iɣess iweḍḍer di lḥemlet.

Amaynu

Yeqqen ɣer-s