Le Rifain
Awarn i uraji d azegrar, yessijj-dd wezlawi aḥudri Ḥalim Lmadani s yijjen umud n yezlan yesmun deg-s ca zi tiqessisin-nnes.
Amud-a yegga-s i yisem: « Addriwen n uẓuyyet », Tateswirt n weɣlaf s tḍewḍin n uselmad Muḥemmed Ṭṭeybi. D ijjen tmerniwt i zi ɣa ilellec yiger n tsekla tarifit.
Ḥalim Lmadani, zeg yezlawiyen iḥudriyen i itteggen tizemmar d timeqqranin di tira n usefru. Zeg imeḥḍaren i yeqqaren tamaziɣt di tseddawit n Serwan. Tetteɛjib-as s waṭṭas tebridt n tira n usefru n Karim Kennuf.
