Ɛebdelwaḥed ḤENNU
« A dak-dd-yeqḍu s uḥenneḍ ».
jjin-t-idd imezwura.
Awal-a yettwaqqar x ca n yijjen waxxa yessawal, ittenhezza … Maca wer ɣer-s min ɣa yegg, wer ittiwi walu.
Manis i dd-yekka wawal-a?
Zeg yijjen tḥajit a tt-dd-εawdeɣ lexxu:
Di min yeɛdun, ttuɣa din ijjen umeksa ittras ɣer yijjen, uca lebda ttuɣa itticc-as aɣrum aberkan, ittett yessecca kid-s aqzin-nnes.
Ijjen wass, isewweq wenni i ɣer ittras, uca yiwi-dd aɣrum n buyu. Yewca-s ijj n tbuyut yeksi-tt akid-s.
Tewta deg-s tfukt mliḥ, yewεed ijj n tili, yekkes-dd tbuyut-nni a tt-yecc. Yufa-tt terḍeb mliḥ. Amcum-nni n weqzin iqabel-it-idd ittḥennaḍ anewwar ḥuma a das-yenḍer ijj n uleqquz. Maca ameksa wer yesxi zi buyu-nni. Uca yenna-s i weqzin:
« A dak dd-yeqḍu s uḥenneḍ »
Yeqqar-as zeεma: eyya ma ad tḥennḍed anewwar, aqa aɣrum n buyu ima a deg-k yewḍa!
Ɣer ɛawed: Tḥajit n Rapunzel
