Yesmun-itt, izemmem-itt: Ɛebdelwaḥed ḤENNU
Ḥajitkum, tekker ij n twessart, ij n wass, ttuɣa tenya x weɣyul, teggur, teggur,… telqa ca n tḥudreyyin ttrunt. Tenna-sent: « min kennint-yuɣin a yessi tettrunt? »
Nnant-as: « maɣar wer ɣer-m bu lexber? »
Tenna-sent: lla!..
nnant-as: « aqqa-m amcum-a n lmexzen, yessufeɣ-dd ij n leḥkam, yenna-sen belli timeẓẓyanin ad awyent iwessura, tiwessura ad awyent inni imeẓẓyanen!
Tucem twessart-nni aɣyul, tenna-s: »erra zid erra, min yegga lmexzen d wenni d netta! ».
Ɣer ɛawed: Mala d asnuɛtar aqa snuɛtareɣ-ac, mala nnec ruḥ ḍelq-as!
