Amari Arifi Cahid Andici yessufeɣ-dd « Taqnuct n wureɣ »

taqnuct n wureɣ

Le Rifain

Awarn i uturjem-nnes i tmezgunt i umi qqaren « Iḥewwasen » n umari Ačili Egon Wolff, d umutti-nnes ɣer yiger n yixarrisen x Arif s usufeɣ n udlis « Irifiyen ass-a », yedwel-dd zeg-neɣ Andici ɣer yiger n uturjem i twalat nniḍen, yixḍar ḥuma a dd-yesserzef tamezgunt i umi qqaren « Taqnuct n wureɣ » ɣer umeɣri Arifi.

Tamezgunt-a i yellan zi tefsarin n wammas n trezzutin d tɣuriwin timaziɣin di Arif, yura-tt umari Aruman Plawtus, aṭṭas n leqrun zeggami, zi tmezgunin i yecnan ɣer nhar-a. ttennḍent temsarin-nnes x yijen wergaz yetterbeṭ, iruḥ d taqebbart, maca walli x ca n temɣart, lla, yetterbeṭ di teqnuct teccur s wureɣ.

Plawtus i yeddren jer usegg°as n 254 d 184 qbeel i tlalit n Yeccu Lmasiḥ, yura timezgunin-nnes s tlatinit. deg yimezwura-nnes, yebda lxedmet deg udikur n umezgun, yeɣra taumidit tagrikit. zi ssenni yura timezgunin, ttwaḥsabent zi min daneɣ-dd-yiwḍen yekmel zi tira n tsekla tarumant n lweqt-nni.

Asemzeɣ-a i yegga Andici i tmezgunt n Plawtus, ad yewc ijjen tfawt temɣar i tsekla tarifit ḥuma ad teṭṭef amkan-nnes, ad tili ɛawed d tamerniwt jer yifassen n yimerzuten d yimeḥḍaren n tɣuriwin n tmaziɣt.

Amaynu

Yeqqen ɣer-s

Samuel Biarnay, Afransis-nni i yessnen Tarifiyt di beddu n lqern n 20.

Samuel Léonard Biarnay, ilul di 15 Yennayer 1879, di Saint-Laurent-du-Cros, maca yemmut di 10 Kṭuber 1918 di Arbaṭ, d anessmezzeɣ d Afransis. Igga ca...

Tamesmunt n « Ad nuru i yimyura s Tmaziɣt » tessnewju Andic Cahid

Tamesmunt n "ad nuru i yimyura s Tmaziɣt", iggur ad tegg ijjen wemsagar d aseklan ggin-as i yisem « Mayd nnan idlisen ? » aked umari Cahid...

Aɣennij anegdud g Arif : amezruy d termitin

Amari: Mimun Lwalid Asuɣel: Sufyan Lhani Mala taẓuri d afares animan axerras n kul tagrawt tanefgant, aqa Arif ɣur-s asneflul-ines g uẓawan d tedyazt d ccḍiḥ...

« Taqerfit » niɣ lḥubb asemmaḍ jar iḥudriyen deg idurar n waṭlas.

Aṭṭas i yettɣilen ila amlussun jar wewtem d tewtemt axmi ttuɣa wer yelli di ledcur qbel ma ad dd-banent traccwin tinamunin, minzi amun ila...