9 décembre , 2021

Zegga i yeksi dduktura-nnes zi tseddawit n Ṭanja, Nɣin-t wudayen di Falasṭin

Ɛisa Sulayman Burhum, d ij ufalasṭini yeɣra di tseddawit n Ṭanja, yeksi adipplum n dduktura di lqanun, awarn i umi i tt-inaqec ass n 23 yunyu 2018. wer din min yekka, alami yeḍfer tabridt n ayetmas i yemmuten x tmurt-nsen Falasṭin s uqerṭas n uḥewwas ayesrayli i dasen-yekksen tamurt-nsen.

Yettwaneɣ Ɛisa Sulayman ass n 14 zi may 2021, yejja ayezzum deg wulawen n imeddukkal-nnes i ttuɣa kid-s yemɛaceren di Ṭanja, ayezzum i izedɣen merra ulawen n yinni i ittbeddan deg wudem n wenɛeddi i tettegg Israil x ifalasṭiniyen.

Ɛisa Sulayman di tseddawit n Ɛebdelmalek Sseɛdi di Ṭanja, ass n 23 yunyu 2018, umi i ttuɣa ittnaqac dduktura-nnes. Tateswirt zi lḥiḍ n Facebook n umeddukkel-nnes Med Ziani.
Ɛisa Sulayman zegga i deg-s snuryen wi t-ittexsen, zegga i yettwaneɣ s uqerṭas n yeɛdawen.

Amaynu

Tḥajit n Tutiya

Yeqqen ɣer-s