Tudert-nni ufin deg ubinus, urid d tudert??

Ca n imussnawen ttuɣa ufin ca n ugaz dag-s Imikruben ddren deg ubinus. Maca ca n Ihulandiyyen ssersen-asen twafit-a n tudert deg ubinus di tezgawt n iseqsan. Ad yili zeɛma xḍan di leḥsab?

Ubinus

Can Imerezzuten d Ihulandiyyen ssiwlen x Monophosphan nni ufin iglanziyyen, ssersen xaf-s aṭṭas n iseqsan. Gruppu n « Igans Snellen » zi University n Leiden, yeɣra nnumrawat n iglanziyyen:

« Anumru n ugaz-nni izemmer ad yili xḍan di tɣuri nnes waha. »

Tɣuri yegga ugruppu ahulandi tettwafser di Preprint Plattform ArXiv

Afuṣfur d tlata n tiderrin n uhidrujin ( PH3) d ttidet di tmurt teggen imudder. Maca wer yelli labud ad yili d tteḥqiq n belli yekked zi ca n tala d tabyulujit deg ubinu.

Manaya nnant la d ca n imussnawen Iglanziyyen zi tesdawit n Cardiff ass n 14 Cutenber. Nnan belli tala n ugaz-a tzemmer ad tili d tajyulujit:

Fuṭu: ESO

« Urid neqqar belli din tudert deg Ubinus, » tena tamarirt Sara Seagerzi Massachusetts Institute for Technologie (MIT).  » Maca nufa agaz n Monophosphan, tala nnes qat ɛad teffer.

ɛad Xelli aṭṭas n imussnawen wer qḍiɛen layas zi tudert deg Ubinus. Minzi netta Abinus anict n tmurt di lmeɣren, yedra s usegnu, maca dag-s 400° n leḥmu, icennef tudert. Di 50-60 kilumit n luɛla, din leḥmu ad yas akd tudert, zemmern ad‑ays ddren imudder d imezzyanen am imikruben.

Imussnawen ttuɣa ɣrin cciɛ id itasen zeg ubinus s utiliskup James-Clerk-Maxwell-yellan di Haway d Utiliskup n Atacama yellan di Ccili. Dinni ufin later n Monophosphan. 

I kenniw ttwalam tella tudert di ca n umkan nniḍen bla tamurt? carcem ak‑ineɣ axarres nwem, inim‑aneɣ tmuɣri‑nwem.

Fuṭu: ESO

Aneɣmis yezwarn x ubinus ad tafem da: Tudert deg ubinus

Majid Aqelɛi
Majid Aqelɛi
Majid, Izran, Tudart tazgzawt, d Tussna...

Amaynu

Yeqqen ɣer-s

Takuppat n umaḍal 2022: Umi acrak n tseḍma n Lmuɣrib imseḥ Imaziɣen.

Yura-t: A. Bodetti Asmezzeɣ zi www.middleeasteye.net/ Mala “amaḍal Aɛrab” imun ɣer deffer i Lmuɣrib deg wecrak-nnes di tkuppat n umaḍal, ca n Imeɣrabiyen...

Spanya tettagi ad tenɛem s min tegga d ɣezzu di Arrif.

Ila ca n tebratin i yettunuḍen, qqarent ila Spanya txes ad tenɛem s min tegga di Arrif, uca ad tewwec 100 melyun yuru...

Dzayer – ddewla teḥkem s ɛecra n iseggusa teqqen x ukarikaturist Aqbayli Ɛinuc

Tasenbḍayt n Bgayet teḥkem-dd s ijjen leḥkam maḥend ad tḥebbes akarikaturist Aqbayli Γilas Ɛinuc. Tewca-as ttuhmet n « useɣḍel zeg uselway n tegduda d ubersigg°ed ». Ijjen...

Lmexzen Uliman yeṭṭef ijj n ucekkam n Lmeɣrib!

Karlsruhe (DPA): Lidara n ḥeṭṭu n tmurt talimant teṭṭef di letnayen yeɛdun (14 nuwenbir) ijjen Umeɣrabi di temdint n kulen, tcekk deg-s belli ttuɣa...