17 octobre , 2021

Trump: Imirikaniyen wer tteggen bu tekmamt!

Donald Trump yegga takmamt i twalat tamezwarut
tateswirt: BBC

Le Rifain

Yenna umeqqran n Umarikan Donald Trump aqa netta wer ittbezziz ca x yimirikaniyen ad ggen takmamt bac ad ḥḍan ixf-nsen zeg uzuzzer n ubirus n kuruna.

Awal-a n Trump yus-dd awarn i umi yessiwel umeqqran n yimassanen di lehlakat ittmuttuyen, aduktur Anthony Fauci, yenna belli lmexzen n Umarikan ittxessa-t ad iẓeyyer iwdan bac ad ggen tikumam. Yerni yenna aqa tikumam yeffuk a tent-ggen yewdan bac ad ḥḍan ixf-nsen zeg umutti n lehlak.

Yedwel lexxu weyraḍ n tekmamt d ijjen lḥajet deg Umarikan tettbedda awarn as tsertit, Trump zeg umezwar ttuɣa takmamt-a wer das-tt-yeksi weqrab, yugi bac a tt-yegg, maca idenni n ssebt, yeffeɣ s tekmamt i twalat tamezwarut zeggami yebda ubirus-a n kuruna.

Amaynu

Yeqqen ɣer-s