Tegga-tt Kuruna: Tamunt n Wuruppa ad tbelleɛ tiwura deg wudem n Lmeɣrib d Dzayer

Le Rifain

Yenna utilibizyun n Euronews i dd-yeksin lexber x ca n idiplumasiyen d Uruppawiyen, belli tamunt n Wuruppa ad teqqen tiwura deg wudem n yewdan i yexsen a dd-adfen zi Lmeɣrib d Dzayer, awarn i umi igeɛɛed nnumru n yinni i yelqef ubirus n « Covid-19 » di tnayen-a n tmura.

Lexxu, Uruppa tegga lista n 13 n tmura zemren yewdan i zeg-sent idd-ittekken bac ad ɛdun ɣer Wuruppa. zi tmura i yellan di lista-ya, dinni Dzayer d Lmeɣrib.

Maca amen dd-yusa di Euronews, aqa tamunt n Wuruppa teggur ad teɛdel lista-ya n tmura. zeg weɛda i ɣa yilin; ad ttwakksent tmura n Dzayer d Lmeɣrib, minzi kuruna temmerni deg-sent aṭṭas.

Di Dzayer lexxu, ttawḍen al 600 n yewdan i ileqqef ubirus kul ass.

Di Lmeɣrib, mɣar di ssimanet i yeɛdun, dinni 3325 n yewdan i yelqef ubirus, mmernin ɣer yinni i ttuɣa yelqef qbel.

Qbel i yijjen tnayen n simanat, ttwakksent tmura n Sirbya d Wedrar Aberkan zi lista n tmura i izemren ad adfen tarwa-nsent ɣer tmunt n Wuruppa, minzi igeɛɛed deg-sent nnumru n yewdan i yelqef ubirus.

Amaynu

Yeqqen ɣer-s

Takuppat n umaḍal 2022: Umi acrak n tseḍma n Lmuɣrib imseḥ Imaziɣen.

Yura-t: A. Bodetti Asmezzeɣ zi www.middleeasteye.net/ Mala “amaḍal Aɛrab” imun ɣer deffer i Lmuɣrib deg wecrak-nnes di tkuppat n umaḍal, ca n Imeɣrabiyen...

Spanya tettagi ad tenɛem s min tegga d ɣezzu di Arrif.

Ila ca n tebratin i yettunuḍen, qqarent ila Spanya txes ad tenɛem s min tegga di Arrif, uca ad tewwec 100 melyun yuru...

Dzayer – ddewla teḥkem s ɛecra n iseggusa teqqen x ukarikaturist Aqbayli Ɛinuc

Tasenbḍayt n Bgayet teḥkem-dd s ijjen leḥkam maḥend ad tḥebbes akarikaturist Aqbayli Γilas Ɛinuc. Tewca-as ttuhmet n « useɣḍel zeg uselway n tegduda d ubersigg°ed ». Ijjen...

Lmexzen Uliman yeṭṭef ijj n ucekkam n Lmeɣrib!

Karlsruhe (DPA): Lidara n ḥeṭṭu n tmurt talimant teṭṭef di letnayen yeɛdun (14 nuwenbir) ijjen Umeɣrabi di temdint n kulen, tcekk deg-s belli ttuɣa...