Tawzirt yamzgarut n Nyuziland « Jacinda Ardern » tixḍer ijjen webrid wer dag-s yeggur la d ijjen wewzir. Temra-dd i ddunect « leɛjeb » deg umunu ggin aneggar. Temra-dd Chefn lḥukuma d Homo (zzamel). Maca anict n twzirt n barra « Nanaia Mahuta ». Ha iẓewran ha tiggaz.
Nyuziland ttuɣa zi lebda tasedma nnes n lḥukuma d leɛjeb, rextu ternid leɛjayeb: Tamawrit (Maori) Nanaia Mahuta d ttamɣart tamzgarut, ɛawd d ttamzgarut zeg uydud n Maori deg umzruy n Nyuziland ɣa yeṭṭfen tawzirt n barra. Ttuɣat d ttawzirt n tyumi n Maori d usugur n min yudsen.
Mahuta ɣer-s 50 n iseggusa. d netta d ttamɣart tamzwarut deg ubarlaman ɣer yella Moko Kauae – Tiggaz n Maori -. Dag-sen di tiggaz nni min itqnen ɣer teqbilt-nnes.
« Timɣarin n Maori d tinni yellan azgen n Maori wer ɣer-sent ca lḥeqq ad ggent aṭṭas n lexdayem, Lxedmet di lmexzen d ijjen ḥajet temɣer. » tenna Mahuta.
