Le Rifain
Dewlen-dd yimezdaɣ n Tmasint ḥuma ad sɣuyyen x tseqqar-nsen. Maca tɣuyyit-a wer tt-yejji ca lmexzen ad teɛdu salamat. Awarn i umi udfen x tudrin rezzun x yimeɣnasen i yettwassnen s wenhezzi-nsen di Tmasint, ḥuma a ten-ṭṭfen, a ten-jemɛen.
Aṭṭas n yinni i ttuɣa iḥeḍren deg yibedditen i yemsaren ass-a n jjemɛa. Sewwren-dd ṭṭumubinat n lmexzen i dd-ixeccen s waṭṭas.
Imeɣnas n lḥirak di Tmasint ttren zeg ayt bab n lmaḥellat n tsebbabt d leqhawi d yiḥemmasen bac ad bellɛen, al ɣa yeksi lmexzen afus-nnes x temdint, awarn i umi i das-dd-qewwren zi mkul jjihet.
