29 novembre , 2021

Tafra: Mala yuqeɛ ca i tarwa-nneɣ di leḥbes ad ittwadenna x yiri n Ttamek

Lerifain.fr

Deg usiweḍ i tegga tmesmunt n Tafra tessers sslamet n arrimet n inekraf x yiri n lmendubiya n leḥbes. Terni tefra tenna belli mala yuqeɛ ca i inekraf ad ḍfaren lmendubiya s lqanun.

Tafra wer tettu ca ad teydar CNDH, tenna x-as belli ixess-as ad ikkes aseɣdi-nnes x mayen ittuqiɛen i inekraf n Arrif d tmeslayin d tiɛeffanin. Twekked Tefra ila CNDH ixess-as ad inhezz alaḥsab izerfan n tseqqar n wemdan.
Tlaɣa Tafra ddewla n Lmuɣrib ḥuma ad tsegged ifayyuten-nnes i tegga, ad snufslen inekraf n lḥirak n Arrif. Mamec tlaɣa Tafra i midden merra maḥend ad ggen tizemmar-nnsen ḥuma ad nejmɛen inekraf di leḥbes n Selwan/Nnaḍur.
Tafra tenna belli Zzefzafi d Uḥemjiq yiweḍ tikkest-nnsen x macca ar 21 n wussan. Mani Muḥemmed Ḥaki, Buhennuc, Ahebbaḍ, Aḍehcur tiwweḍ tikkest-nnsen x macca ar 16 n wussan. Samir iɣid yiwwed ar 11 n wussan.
Tafra teqqar belli inekraf xsaren ca n 10 kilu zi ṣeḥḥet-nnsen, ssekkwar ihwa zeg idammen-nnes, sexxfen kul twalat.

Amaynu

Yeqqen ɣer-s