Taḥenjirt ɣer-s 16 n iseggusa, teddakk°al d titrit tamezwarut i ḍeffren 100 melyun n yewdan x tiktok

LeRifain

D taḥenjirt ɣer-s 16 n iseggusa di lɛumur-nnes, d timessexdemt tamezwarut n tiktok, yeɛdu leḥsab-nnes 100 melyun n imeḍfar.

Charli D’Amelio, zi temdint n Norwalk deg Umarikan, yerɣa yetri-nnes awarn i ɛam d wezgen x usexdem-nnes i tiktok.

Yus-dd manaya zegga yuli wawal x ttebcayar-nnes deg yijjen ubidyu di youtube.

Di texrast tamezwar zi tselselt n twacunt-nnes n tidet, amensi aked twacunt n D’Amelio, nnan yimeḍfar-nnes belli tḍeyyeɛ-itt aked uḥemmas i dd-yeggin amensi.

Kter zi 600 alef n imeḍfar kksen timexsa-nsen, awarn i min tegga deg ubidyu-nni.

Maca yenqes qaluqal zegga i dd-tegga D’Amelio ijjen ubidyu ttetter deg-s awadem x min tegga, tettcedda deg-s awal aked yimeḍfar ḥuma ad teɛdel tambirt-nnes ssa d usawen.

Truḥ ɣer twitter, tqad deg-s imeḍfar-nnes. tura ass n lḥedd: « 100 melyun n yewdan i kid-i ittbeddan, wer umineɣ illa manaya d tidet ».

Ssefqat s leɣrayeq n ttmenyat

Tebda tḥenjirt n 16 n iseggusa am tteggent qeɛ tḥenjirin, s ccḍiḥ di lbit n yiḍes-nnes, tbeṭṭa-ten aked yimeḍfar di tiktok.

Ḍḍusi-nnes animan di tiktok, yebda ad yali di am usarux aseggas yeɛdun di nnumru n imeḍfar. Tedwel d nettat d tamezwarut i yiwḍen 50 melyun n imeḍfar di abril i yeɛdun.

Tban-dd D’Amelio i twalat tamezwarut deg ufilm n ičalluten « StarDog and TurboCat » aseggas n 2019. Tekkes-dd deg-s nnefs i umettel s wawal aked uɣezdis n Luke Evans d Gemma Arterton d yinniḍen.

Titrit n tiktok, tettkel x ca n markat d timaḍlanin n tsebbabt deg webrid n muḍa d lmakyaj, amen ccarak n Dunkin’ Donuts tsaqar-dd ijjen marka n tsessit s yisem n tḥenjirt.

Taḥenjirt-a, teggur a dd-tessufeɣ adlis-nnes amezwaru aseggas i dd-yegguren.

Ɛlaḥsab min dd-yusin di tesɣunt (magazine) n Forbes, ssefqat-a ssidfent-idd x-as ca n 4 melyun dular aseggas yeɛdun waha.

Tala: BBC

Ɣer ɛawed: Deg wass amaḍlan n tḥenjirt: Asijji x tidet n tḥenjirt di Arif

Ɛebdelwaḥed Ḥennu
Ɛebdelwaḥed Ḥennuhttps://lerifain.fr/
S tira.. iles yeccat iẓewran...

Amaynu

Yeqqen ɣer-s

Takuppat n umaḍal 2022: Umi acrak n tseḍma n Lmuɣrib imseḥ Imaziɣen.

Yura-t: A. Bodetti Asmezzeɣ zi www.middleeasteye.net/ Mala “amaḍal Aɛrab” imun ɣer deffer i Lmuɣrib deg wecrak-nnes di tkuppat n umaḍal, ca n Imeɣrabiyen...

Spanya tettagi ad tenɛem s min tegga d ɣezzu di Arrif.

Ila ca n tebratin i yettunuḍen, qqarent ila Spanya txes ad tenɛem s min tegga di Arrif, uca ad tewwec 100 melyun yuru...

Dzayer – ddewla teḥkem s ɛecra n iseggusa teqqen x ukarikaturist Aqbayli Ɛinuc

Tasenbḍayt n Bgayet teḥkem-dd s ijjen leḥkam maḥend ad tḥebbes akarikaturist Aqbayli Γilas Ɛinuc. Tewca-as ttuhmet n « useɣḍel zeg uselway n tegduda d ubersigg°ed ». Ijjen...

Lmexzen Uliman yeṭṭef ijj n ucekkam n Lmeɣrib!

Karlsruhe (DPA): Lidara n ḥeṭṭu n tmurt talimant teṭṭef di letnayen yeɛdun (14 nuwenbir) ijjen Umeɣrabi di temdint n kulen, tcekk deg-s belli ttuɣa...