Bayyiren Myunix, yekkes-as-tt i Paris Saint Germain s ijjen uɣul ɣer ziru. Di partida n unfarar n tcampyenz lig yettwaggen x ucal n undrar n Tfawt di Lisbuna . Γul-nni izemmem-it Kingsli Kuman di tminut tis 59.
S uɣul-a, Bayiren yiwwi tkuppat-a di twalat tis setta-nnes. Mani Paris SG tuɣa irezzu ad tt-yawi i twalat-nnes tamezwarut maca wer das-yufi mamek. Kippu Abavari, iɛebbeẓ mliḥ deg umezwar-nni x Paris. Ameggaru-ya tuɣa wer izemmer ad yeɛda azgen n undrar-nnes. Waxxa Niymar tuɣa yeggur ad izemmem ijjen uɣul la d netta, maca ameḥḍay n tracca Aliman tuɣa ifaqq mliḥ.
