Le Rifain
Yewca uberlaman n Spanya tfawt tazegzawt ass n larbeɛ 15 yulyuz, ḥuma ad yili umezgun n « Cervantes » ameqqran di Ṭanja (Teatro Cervantes) jer yifassen n Lmeɣrib.
S uya, Lmeɣrib ittxessa-t amen yeqqar wemsetfaq, a t-yeɛdel, maca wer ittbeddil walu deg wudem-nnes n berra niɣ di mamek yella ɣer daxxel. Ttmenyat n weɛdal ad ilint zeg usenḍuq n ddewla n Lmeɣrib, amen isem n umezgun ad yeqqim d wenni s yexf-nnes.
Amezgun-a yebna asegg°as n 1911, yennurẓem asegg°as n 1913, ikessi 1400 n yewdan.
