Ifaysbukiyen deg ussan-a tteggen tizemmar maḥend ad swizan aked uneɣmas Ameɣrabi Sliman Rrisuni. Aterras-a ikksen x macca di leḥbes ca n cehrayen zeg wami. Lux, seḥḥet-nnes teggur ɣer deffer. Ij n tbuɣawt-nnes tenna « aysum-nnes ilseq x iɣes-nnes ».
Ttuɣa ssifen-t ɣer leḥbes zeg wayyur n mayyu 2020 umi i t-ttahmen ila igga ttaɛeddu asiksi x ij n uḥudri. Tasenbḍayt (lmeḥkama) tugi ad as-teḍleq, tettwala ila umi ikkes x macca manayenni « jar-as-dd d ixef-nnes ».
