Azlawi d umari Arifi Sifaw Lhanis (Sufiyan Lhani), ttuɣa izwar-as issufeɣ-d deg usegg°as n 2018 ijjen cwayt zeg wamud-nnes n yezlan « Tifray ». Di 14 Nufember yegga-d x facebook-nnes, ila igga ad d-issers adlis-nnes s « PDF » maḥend ad yaweḍ ɣer waṭṭas n midden ad t-ɣren. Maca yenna ila ixes ad zzag-s irni ijjen 100 nniḍen i yenni ittexsen ad ɣren s tewriqt, ad t-jjen ɣer-sen. Lhanis yura tiqessisin-nnes s ict tiɣsit tefrez, ittegg tabridt-nnes deg yiger n tira s Tmaziɣt n Arrif.
Deg wayuren i yeɛdan, ttuɣa ifsar-d ungal-nnes « ad texsed! », mamec ttuɣa i das-izwar ifser-it-id s Teɛrabt deg iseggusa i yeɛdan. Lhanis d ijjen zeg iḥudriyen Irifiyen ig ittcuqqan abrid deg yiger n tira.
Sehwam-d adlis n Tifray
