Issiwel ij n uneqqis issujden x « waman i di ttɛumman iwdan di lebḥurat d ijdi n playat » deg useggas n 2021. Aneqqis-a issiwel x ifuraḍ n lebḥer deg wanaw n « Plastik/pulistirin » ittakkwaḍen ar 86% zeg ifuraḍ i jemɛen x lebḥurat di Lmuɣrib amen yekmel. Aneqqis-a ibḍa tizubayin n lebḥer ɣer ibuntwen n igarruten (35.1%). Tiqebbarin d plastik n tzeyyatin n plastin (17.9%). Plastik n tcips (17.5%). Iqqar uneqqis-a aqqa ddegg-a n wanawen ttakkwaḍen ar 60% zeg ifuraḍ ijemɛen.
Di Arrif waha, afraḍ ijemɛen iwweḍ ɣer 2713 /100 deg uftas n Kalabuniṭa (jjihet n Biyya). Ɛawed jemɛen 250 n uferdis/100 deg uftas n Buqana di Nnaḍur. Waxxa amenni, yenna uneqqis-a aqqa afraḍ i yufin deg useggas n 2020 ihwa mala nekker a t-nemqudda aked tnayen iseggusa i yeɛdan (2018 d 2019). Maca hekku-ya yus-d alaḥsab abelleɛ-nni i yemsaren s Kuruna, ula kṭer abelleɛ n iftasen.
Γer ɛawed: Mikro‑plastik, Tiyarjin tisemmaḍin!
