8 décembre , 2021

Aseppanyu: Oriol Junqueras, anekraf akaṭalan, yura-dd x Juan Carlos i irewlen.

Lerifain: Tibratin

Iwdan i yudsen γer ujellid n Useppanyu (mmi-s n Juan Carlos) ugin ad inin manis i yekka Carlos zi i yeεlem x wufuγ-nnes zeg Useppanyu. Aṭṭas, qqaren x-as yerwel ɣer tjumhurit n Dduminik.

Oriol Junqueras
© AFP

Leqser n Useppanyu, yemla-dd ijj n tebrat yura-tt Juan Carlos i mmi-s, Philipe VI, i di yeqqar: ixes ad iffeɣ tamurt maḥend ad yejj mmi-s ad idebber i yexf-nnes. Zi yebda ad yeḥkem Philipe VI deg 2014 netta irezzu ad issettu iseppunya di txeddimin n baba-s.

Deg 2014, d rrecwet i t-ɣa-yejjen ad ihaz ixf-nnes, ad yerr mmi-s bac ad iḥkem deg uraq-nnes. Ttɛawaden x-as, yeṭṭef ca n 100 mlyun $ n rrecwet zeg ujellid n Ssaɛudi.

Aneḥbus akaṭalan, Oriol Junqueras, yura-dd x min imsaren di Twitter: “lqanun d ijjen x merra iwdan. S minzi ajellid ijja baba-s i yeṭṭfen rrecwet ad yerwel bla ma ad yini walu. Lḥukuma tesselha aydud di ca nneɣni ma d lmeḥkama, teqqen tiṭṭawin minzi Juan Carlos wer illi zeg inni i yexsen azarug (listiqlal). Aseppanyu wer iɛeddlen, ad iqqim i lebda d burrecwet”.

Khalid Bouyaala.

Amaynu

Tḥajit n Tutiya

Yeqqen ɣer-s