29 novembre , 2021

Naser Zzefzafi, yiwwi-d wis tlata deg uliman

Naser Zzefzafi

Deg « Uxxam i tdimukrasit d tseqqar n wemdan », i di d-yusa Naser Zzefzafi wis tlata zegga yemsar wefran x wi ɣa yawin tasemɣurt Carl von Ossietzky. Naser Zzefzafi, tuɣa yeḥḍar netta aked waṭṭas n wudmawen ittwassnen ig ittbeddan x tseqqar n wemdan.

Carola Rakiti, d nettat i d-iwwin d tamezwarut, alaḥsab lxedmet-nnes n usenjem n imenneɛraq di lebḥer acemlal. D nettat ig illan d taqebṭant n uɣarrabu « sea_Watch3 ». Jürgen grässlin, ig illan d ameɣnas kunṭra i tsebbabt n lesnaḥ, d netta i d-iwwin wis tnayen.

Gerit von Leitner, d ict tmrezzut, tuɣa tizwar tura ijjen udlis x Arrif s Tlimant. D nettat ig issersen isem n Naser Zzefzafi di tsemɣurt-a tanita n « Carl von Ossietzky medaille 2020 »

Amaynu

Yeqqen ɣer-s