19 juin , 2021

Mlilet tekkes tafrist tameggarut n udiktatur Aspanyu Franco

tettwakkes tafrist tameggarut n ujiniral Francesco Franco zegga vuṭan di temdint n Mlilet maḥend ad kksen tafrist-a ta.

Getty Images

Ixeddamen qelɛen-d tafrist-nni zi tmurt, weyyen-t ɣer ca n wemkan nniḍen. Akabar afusi « Vox » tuɣa ivuṭa kunṭra i tikkest n tefrist-a tanita. Amek yettwassen ajiniral Franco iḥkem di Spaniya zeg useggas n 1939 ar aseggas n 1975. Ittsemma al mani ig immut.

Mmuten ca n 30 alef n yiwdan di girra i teẓra Spaniya jar 1936 d 1939. Mani lḥukuma tanamurt iḍeffren i Franco terni lḥukuma n imegduden (arruxut). Franco ttuɣa-t x uzellif n ijjen usistim islila alli n midden di Spaniya, manaya s lmidiya d uselmed.

Deg useggas n 2007, yeɛda azref n « tmkettit tanamurt » i d-yusin maḥend ad neɛmen s inni iruḥen d tiherhert di lɛahed n Franco.

S uzref-a i yeɛdan, ttwakksen izumal n tdiktaturiyt, zzag-sen tifrisin n midden nniḍen min ked ttuɣa tteḥkamen aked Franco. Elena Fernandez Trivino i yella di tmesmunt n Mlilet, tenna belli ass-a d « amezruyan » umi kksen zeɛma tafrist n Franco di Mlilet.    

Maca tarbiɛt n « Vox » vuṭan kunṭra maḥend ad kksen tafrist n Franco yettwaggen deg useggas n 1978. Nnan zeɛma minzi netta ttuɣa ibedd kunṭra i tqebbal n Arrif. Deg useggas n 2019, smuttuyen amḍel-nnes ɣer ijjen temḍelt nurmal. Tenna tenni ittnuban x umɣar n lḥukuma Carmen Calvo : « inni immuten i yeɛdan 30 alef n midden, lux ad ẓẓlen di lehna ».

Min iɛna Ajiniral Franco ?

Francesco Franco. Tala: Getty Images
  1. deg useggas n 1926 yedwel d ajinral ameẓẓyan di Spanya x useggas n 33.
  2. Zegga tettwafren tanyert tagdudant yettwaḥsaben x yeẓẓlmeḍ deg useggas n 1936. Yegga netta d ca n ijiniralen nniḍen ijjen girra x-asen tekka tlata n iseggusa.
  3. Franco yewwi girra-nni deg useggas n 1939 s twiza n Inaziyen d Ifacistiyen, issers ddsas n ijjen usistim d adiktaturi.
  4. Yegga Franco ijjen usistim ar mani immut deg useggas n 1975, zi senni temmutti Spaniya ɣer tdimukraṭit.

Amaynu

Yeqqen ɣer-s