5 décembre , 2021

Mary TRUMP, tɛan-as i ɛzizi-s Donald TRUMP minxef irezzu!

Le Rifain

Deg yijj n udlis tura-t Mary Trump, yelli-s n uma-s n Donald Trump, tsebben deg-s mliḥ ɛzizi-s, tenna x-as belli d ijj n uterras yenhezz, wer dd-tusi qeɛ ad yili d rrayes n Umarikan.

Tenna Mary Trump belli ɛzizi-s yewca tinɛacin i yijj n uterras bac a t-yejj ad yesseɛdu lemtiḥan di tseddawit n SAT deg wemka-nnes, zeg-s i ɣa yadef ɣer tseddawit n Pennsylvania. amen tenna belli Maryanne Trump Barry, weltma-s tameqqrant n Donald Trump, ttuɣa tettwala uma-s am yijj n ubuhali waha.

Ɛlaḥsab New York Times, Mary, tenna belli Donald Trump yeffeɣ x baba-s nettat, i yemmuten awarn i umi i yettebla s ccrab. s uya, teqqar Mary ; wer zmireɣ ca a t-jjeɣ ad yeffeɣ ula x tmurt-inu.

Robert Trump, uma-s ameẓẓyan n Donald Trump, yegga tizemmar maḥend ad yesbedd adlis n Mari, yenna belli Mary wer tweqqer ca ijj n wemsetfaq ttuɣa tsinyi x-as asegg°as n 2001, bac wer dd-tfeṭṭeḥ timeslayin i yellan n twacunt.

maca waxxa amenni, lmeḥkama tesmeḥ i ccarika n « Simon & Schuster » bac a dd-tessufeɣ adlis n Mary Trump.

Amaynu

Yeqqen ɣer-s