Zegga ttyarita, tegga tasnurayt n Martcika, ijjen tfust n twiza maḥend ad ssizdgen aftas n Buqana deg Ayt Nṣar. Mani, bdan ifuraḍ ttceyyanen aẓri n wemkan-a.
Martcika, tetter x webrid n Nadorcity.com, ḥma « iwdan ad ḥḍan aẓri n weftas, ad nḍaren ifuraḍ deg yimukan-nnsen » terni tenna « Aftas dag-s timeslayin cnint, ixess marra ad ggen fus-nnsen ḥuma ad ḥḍan aftas n Buqana« .
Zeg ijjen uɣezdis nniḍen, aṭṭas n iwdan ixeddmen di tmesmunin di Nnaḍur ttɛeyyaben x tesnurayt n Martcika, belli wer teggi bu izbagen n wefraḍ s waṭṭas, mamec wer din bu playek ḥuma ad sfaqqen iwdan s lhimmet n tazdugi. Mamec wer din bu ca n lḥemlat i di ɣa yrun ifuraḍ kul twalat. D manaya ig ittejjan ifuraḍ ttmarnayen s waṭṭas. Amek nnan i lerifain.fr
