Le Rifain
Deg yijj n ulaɣi yessufeɣ-it-idd uberlaman n Libya i ittraḥen aked Xlifa Ḥaftar aɛecci n letnayen 13 zi yulyuz 2020, yewca deg-s tfawt tazegzawt i Misra ḥuma a dd-tadef s lɛesker bac ad teḥḍa lhudnet n tnayen-a n tmura mala tettwala belli dinni min yessagg°aden. Amen yenna ulaɣi belli ittxessa Libya d Misra ad ggent afus g ufus ḥuma ad rnant aḥewwas (qesḍem zeg-s Tturk).
Yidar-dd ulaɣi n uberlaman Belli Misra tettwala deg-s Libya ijj n tuɣbayt d tasetratijit x merra iɣezdisa, amen deg-s dd-yusa ɛawed belli aḥewwas aturki yessagg°ad Libya d tmura n jjiran, zeg-sent Misra.
