29 novembre , 2021

Lezzayer: Xalid Drarni wtin-t s tlata n isegg°usa n lḥebs

Xalid Drarni yemmeksi x ijiman, deg yijjen tekli n lḥirak n Lezzayer. AFP

LeRifain

Teḥkem lmeḥkama n Lezzayer, ass-a n letnayen 10 zi ɣuct, x ujurnalist Xalid Drarni, s tlata n isegg°usa n lḥebs.

Yenna Nureddin Bensɛid, i yellan d abuɣaw n Drarni: « Lḥukm-a i x-as ggin yeqseḥ, manaya d lmunker ».

Drarni, i yellan d ijjen umeɣnas di lḥirak n Lezzayer, ḥekmen x-as, zegga i ttuɣa ḥekmen ɛawed x Sliman Ḥmiṭṭuc, d Samir Belɛerbi s tnayen n isegg°usa i kul ijjen zeg-sen, abeɛda ḍḍusi-nsen d ijjen, am Drarni. Ggin-asen ttuhma belli ttamaren iwdan x uɣewweɣ, belli ttucan tamunit n ddewla.

Tala: euronews

Amaynu

Yeqqen ɣer-s