Inna nnayeb ameqqran ɣer useqqim n tenbḍayt n Legzayer belli iggur ad ggen ijjen udiklari maḥend ad sbedden aṭṭas n yewdan i yettwalan ɣer-sen fus aked ikemmuḍen i teẓra Leqbayel deg wussan i yeɛdan. Mamec ɣer-sen fus ula aked tmenɣiwt n ij n uḥudri umi qqaren Jamal Ben Smaɛil. Zeg yewdan-a yina nettaf Ferḥat Mhenni, aselway n Unavaḍ n Leqbayel.
Nnayeb-nni inna belli din 29 n yewdan aqqa rewlen, ca zzag-sen aqqa-ten di ca n tmura-nniḍen. Issitem zi tmura ad mɛawanent aked Legzayer bac ad as-sellment iwdan-nni i xef-trezzu. Mamec tenna Legzayer ɛawed belli tessidef 83 n yewdan zi 88 ɣer-sen fus di tmenɣiwt n uḥudri-ya.
Zeg ijjen uɣezdis-nniḍen. Ifser-dd wuma n Kamira n Ayt Sɛid belli yumayen zeg wami lux wer tettbin wer das-ufin later. Gg°den imeɣnas di Leqbayel a tili adabu n Lezzayer d netta i yeṭṭfen Kamira. Ad as-slesqen ca n ttuhmet i yeqqnen ɣer tɣuni-nnes aked « MAK » i tettḥsab Legzayer d amussu n « ubelsigg°ed ».
