8 décembre , 2021

Lefraḥt d tameqrant di Lḥusima awarn i wufuɣ n inekraf n lḥirak n Arif

Le Rifain

Iwḍen-dd inekraf n lḥirak i dd-yennufeslen zi lḥebs n Ṭanja iḍennaḍ ɣer tudrin-nsen d twacunin-nsen. Ufin deg uraji-nsen aṭṭas n imezdaɣ i ten yelqan s pitu n ṭṭumubinat, qbel i ma ad rsen di « Ssaḥa n Ccuhada », lexden i ɣa mdurruɛen aked imezdaɣ n Lḥusima i iferḥen s tlelli-ya, di lwesṭ n tlewliwin d cciɛarat.

Qbel i manaya, Salaḥ Lecxem di Talarwaq, yufa imezdaɣ lqan-t-idd, ferḥen s tlelli-nnes d tlelli n inekraf i kid-s dd-yeffɣen. Yuli sennej i yijjen ṭṭumubin, uca yebda yessawal aked imezdaɣ i das-dd-yennḍen, di lwesṭ n yijjen lefraḥet temɣar.

Dinni 22 n inekraf n lḥirak n Arif i dd-yennufeslen ass n larbeɛ 29 zi yulyuz 2020, d ina d ismawen-nsen:

Jamal Ulad Ɛebdennbi
Ɛimad Aḥidar
Muḥsin Bensɛid
Ilyas Lɣazi
Ɛebdelilah Lɛemrani
Salaḥ Laḥmadi
Acraf Lyexlufi
Muḥemmed Asriḥi
Ilyas Ḥajji
Brahim Abeqquy
Cakir Lmexruṭ
Ḥusayn Lidrisi
Rabiɛ Lablaq
Muḥemmed Lmejjawi
Leḥbib Lḥennudi
Ɛumar Buḥaras
Suliman Lefḥili
Ɛebdelɛli Ḥud
Lmurtaḍa Iɛemracen
Salaḥ Lecxem
Dris Hilul
Karim Amɣar.

Dinni tnayen n inekraf tettwakkes-asen mulṭa, nitni d:

Lɛemrani 4000 DH
Laḥmadi 5000 DH

Amaynu

Tḥajit n Tutiya

Yeqqen ɣer-s