8 décembre , 2021

Lḥusima.. Timezgidawin n tɣuri bla aman

AFP PHOTO / MARTIN BUREAU (Photo credit should read MARTIN BUREAU/AFP via Getty Images)

Aṭṭas n tmezgidawin di tegrawin n Lḥusima aqqa-yent bla aman. Wer dag-sent bu ixxamen n waman. Manaya d aɛeffan x tɣuri n imeḥḍaren, ula kter x tmeḥḍarin mayen tent-ittejjan tteffɣent zi tɣuri.

D manaya i nettaf di tmezgida n ddcar n Lmexzen. Iḍeffaren i tegrawt n Ɛebdelɣaya Sswaḥel. Mani ibabaten n imeḥḍaren ccetkan s manaya, qqaren qa uɣir ixess ad ilin waman. Ula Kṭer di lweqt-a tanita mani lehlak n Kuruna igga ḥala di Lmuɣrib.

UNECEF yenna belli ca n setta alaf n tmezgidawin n tɣuri di Lmuɣrib wer dag-sent bu waman. UNECEF teqqar ila qa nnumrawat-a tina teksi-ten-d zi tmawast n uselmed di Lmuɣrib. Mani imeḥḍaren wer zemmren ad afen aman d ssabun maḥend ad ssirden ifassen-nnsen deg ixxamen n waman.

Amaynu

Tḥajit n Tutiya

Yeqqen ɣer-s