8 décembre , 2021

Lḥusima: Ijjen wergaz yemmut s kuruna.

Le Rifain

Yemmut yijjen wergaz yemɣar, ɣer-s ca n 95 n isegg°usa s ubirus n kuruna ɣer wezgen n nnhar n letnayen 3 zi ɣuct 2020. D wa d amezwaru i ittmettan s kuruna di Lḥusima, awarn i umi i dd-yemmutti zi targist, zegga i yuka aked sseḥḥet-nnes wer telli di ca.

Aterras-a i yemmuten, ttuɣa yemxellaṭ aked yijjen temɣart i yellan d tamezwarut i yelqef ubirus n covid-19 di Targist.

Argaz-a, yemmeksi-dd zi Targist amen yella ɛeyyan di sseḥḥet-nnes, zi ssenni, xzaren-t yeḍbiben, yettwagg di Spiṭar n Imzuren, qbel i das-ɣa yeffeɣ buḥbel ɣer wezgen n nnhar n letnayen.

Spiṭar n Imzuren, ttuɣa yemmut dinni yijjen wergaz nniḍen ɣer-s ca n settin n isegg°usa, iḍennaḍ n lḥedd, ttuɣa cekken deg-s illa deg-s Kuruna. lexxu ttrajan asefsi (tteḥlil) bac ad xzaren ma yemmut s kuruna niɣ yemmut s ca nniḍen.

Amaynu

Tḥajit n Tutiya

Yeqqen ɣer-s