Le Rifain
Yeffeɣ-dd yijj n ulaɣi zi ɣer lḥukum n Lmeɣrib, itticc tfawt tazegzawt i sḥab lxarij d yiberraniyen i izeddɣen di Lmeɣrib, ḥuma a dd-adfen zeg wass n 14 yulyuz 2020 ɣer tenɛac n llilet d tsawent.
Tala manis i dd-yekka lexber-a teqqar belli inni i yexsen a dd-adfen, zemren a dd-kken ajenna niɣ lebḥer, ibriden reẓmen. yeqqar ɛawed ulaɣi n lḥukuma aqa inni i yexsen ad safren, yeffuk a kid-sen dd-awyen ttist n CPR yettwagg qbel i 48 n tseɛɛatin, xenni ɛad i ɣa geɛɛden di ṭṭeyyara niɣ deg uɣerrabu.
Ibyaxiten i dd-ɣa yadfen n yiɣerruba, a dd-ffɣen zi tsarst n Sit di Fransa, d tsarst n temdint n Jinwa di Iṭalya. yeqqar ulaɣi belli inni i dd-ɣa yadfen ɣer Lmeɣrib, xmi xsen ad ɛeqben, ad raḥen di mindi dd-usin, ma d aɣerrabu d aɣerrabu, ma d ṭeyyara d ṭeyyara.
Lmeɣrib ttuɣa ibelleɛ ibriden n ujenn d lebḥer x yinna i yexsen a dd-adfen zeg uyur n mars i yeɛdun, yegga manaya x lebbla-ya n kuruna i zi tteblant waṭṭas n tmura deg umaḍal.
