Le Rifain
Ibedd umeqqran n lḥukuma n Lmeɣrib, Seɛd ddin Lɛutmani, ɣer wadaf n useggas amaynu amaziɣ 2971. Manaya s yij n tnayen n tzemmemin yura-tent di leḥsab-nnes deg iraqen n wemsawaḍ anamun.
Di tzemmemt i dd-yessers Lɛutmani di twitter, yenḍer-dd bandu n tmezɣa, sennej nnes, yura-dd s taɛrabt, adu taɛrabt, yura-dd s tmaziɣt. D manaya i dd-yusin di tzemmemt: « Aseggas amaynu amaziɣ ambarki », yura-tt s usekkil aɛrab d usekkil n tfinaɣ.
Di leḥsab-nnes di facebook, yura Lɛutmani tazemmemt d tenni s yexf-nnes i yura di twitter, iberrk deg-s adaf n useggas amaynu amaziɣ. Maca zegga i ttuɣa dd-yessers bandu amaziɣ, yekkes-it, ibeddel-it s yij n tteswirt nniḍen deg-s: 2971 tura s tira gedrent, adu-nnes deg-s: aseggas amaziɣ amaynu ambarki, s teɛrabt d tfinaɣ.
Ittɣima usurif-a n uberrek n wadaf n useggas amaziɣ amaynu, d azuzzer n yiɣɣed x tiṭṭawin n imaziɣen di Lmeɣrib, i ittrajan ɣer ddewla ad tegg ass n 13 yennayer d ij n fijṭa d tunsibt, d ij n wass n rraḥet i yinni ixeddmen.
