Le Rifain
Israil tbelleɛ ɛawed
Tebda ddewla n Israil ass-a ad tbeelleɛ zi jjdid, bac ad tegg afrag x ubirus n kuruna i yemfeccaren, awarn i umi mmernin yewdan i yelqef.
Abelleɛ-a yus-dd aked beddu n usegg°as n jjdid n wudayen, ad yekk tlata n simanat.
Benyamin Netanyahu yenna belli manaya a x-asen dd-yas yeqseḥ, maca ubliji, minzi mmernin 4000 n yinni ileqqef kuruna kul ass.
Briṭanya teggur ɣer-s
Seg uɣezdis-nnes ula d nettat, bḥal walu ula d lḥukuma n Briṭanya ad traḥ deg usurif-a n ubelleɛ.
Matthew Hancock, Lewzir n sseḥḥet n tmurt-a, yenna belli ad yegg min ma bac ad yeḥḍa sseḥḥet n yeglanziyen, di twarrit-nnes x useqsi n ma izemmer ad yili ca n ubelleɛ i twalat wiss tnayen di tmurt n Weglanzi.
Ɛlaḥsab min dd-yusin di BBC, aqa lḥukuma n Briṭanya ad tugur di ca n isuraf, awarn i umi mmernin yewdan i yelqef ubirus. Simana dd-yegguren, ad inin mamek ggin isurifen-a i ɣa ggen bac ad ggen afrag x lebbla-ya n kuruna.
Tala: BBC
