Le Rifain
Ffɣen aɛecci n ssebt luluf n israyliyen di Lquds. Ttettren zi jjdid ḥuma ameqqran n lwuzara n Israil, Benyami Natanyahu, ad yejmeɛ leqcawec-nnes. Manaya, awarn i umi i t-ttahamen s tuɛɛefna d usugur-nnes aɛeffan i yiger n sseḥḥet x uɣezdis n usugi n lebbla n kuruna.
Zi beddu n unebdu, ttmunen yewdan di Israil awarn i kul ass n ssebt. Di tneddam timeqqranin, sɣuyyun baj ad itewwej Natanyahu. Wer dd-rrin lexber i leḥmu ula i ubirus n Covid-19.
Natanyahu, ɣer-s ttuhma n tuɛɛefna d tukkerḍa n tenɛacin. Netta d ameqqran n lwuzara weḥd-s deg umezruy n Israil i yettwattahmen amen iḥekkem ɛad.
Natanyahu, i yellan d amendah n ukabar n Likud (afusi) di Israil. Yiwy-itt deg yestayen (lintixabat) ineggura di mars. Uca yegga azellif aked Benny Gantz, saqaren-dd lḥukuma.
