Ttbanen-d imharwaḍen i yellan jar Lmɣrib d Spanya gguren ɣer lḥiḍ. Lmuɣrib issers-d ca n ccuruṭ, qqaren x-asen Ispunya belli qesḥen aṭṭas. Lmuɣrib igga x Spanya maḥend ad jjen Imeɣrabiyen d inni ixeddmen di Mritc s kunṭra d ayt bab n lmwaḥel ad adfen zeg ijjen tewwurt waha. Tenni n Ayt Nṣar. Iggur ad bellɛen Baryu Tcinu, Farxana d Mariwari.
Igga aṭṭas n ccuruṭ i qesḥent ɛawed x Ispunya. Yenna belli inni ixsen ad adfen Nnaḍur, ixess-asen ad ṭṭfen aɣerrabu niɣ ṭṭiyara. Manaya zeɛma maḥend ad snhezzen cwayt lḥaraka. Maca manaya iggur ad zzag-sen nɣen Nnaḍur.
Ttrabandu, yugi x-as Lmuɣrib qqaɛ. Arrbaṭ teqqar ila sselɛet i d ɣa adfen yeggur ad x-asen ittwaxelleṣ leɛcur.
